Juventusi barazoi 2-2 në përballjen e Champions League, përballë Tottenham në Torino, kur kishte gjithçka nën kontroll pasi në 10’ minuta ishte në avantazhin e 2 golave. Gonzalo Higuain ishte figura kryesore e kësaj sfide për italianët, pasi gjeti dy herë rrugën e rrjetës dhe gaboi në një 11-metërsh.
Kjo ka bërë që në fund të ndeshjes të gjitha kritikat të shkojnë në drejtim të tij nga tifozët e Juevntusit. Por, për këtë ka reaguar Higuain, i cili thotë se është shumë e lehtë të flasësh pas ndeshjes nga një kolltuk në shtëpi.
“Përshëndetje të gjithëve. Sa e lehtë është të flasësh pas ndeshjes nga një kolltuk në shtëpi. Deri sa ishte 2:0, gjithçka ishte perfekt, pas 2:2 të gjithë e ndërruan mendim”, shkruan Higaun fillimisht në Instagram.
“Kjo nuk na intereson ne, sepse do të shkojmë në Londër për të fituar. Një përqafim për të gjithë që ia duan të mirën Juventusit”. Higuain ka shënuar 20 gola këtë sezon për Juventusin në të gjitha garat.
