24 të vdekur e mbi 40 të plagosur është bilanci tragjik, si pasojë e një seri shpërthimesh në një depo fishekzjarresh në Meksikë.
Shpërthimi më i fortë ka ndodhur ndërsa policia dhe zjarrfikësit kishin mbërritur në vendngjarje, në qytetin Tultepec, e mes viktimave ka punonjës të ekipeve të emergjencave.
Mediet lokale thonë se tregu i fishekzjarreve është gjithashtu vendi i punishteve dhe depove, një biznes që mban me mijëra në punë.
Në vitin 2016, më shumë 40 vetë u vranë në një shpërthim të tillë po në të njëjtin vend, ku është edhe tregu i fishekzjarreve. Në fillim të këtij viti, në një tjetër shpërthim u vranë 7 persona.
