Mbrëmjen e sotme është përfshirë nga flakët një banesë në Bashkinë Finiq, në Sarandë.
Zjarri ka rënë në një apartament në katin e katërt të një pallati në zonën e quajtur “SMT”.
Shkak për zjarri dyshohet se është bërë shpërthimi i disa tubave që lidhnin bombolën e gazit, që ndodhej në ballkon, me sobën e gatimit në kuzhinë.
Në momentin e ngjarjes, në banesa ndodhej vajza 13-vjeçare, e cila doli menjëherë në ballkon, aty ku ndodhej edhe bombola e gazit.
Ndërhyrja në kohë e shërbimit zjarrfikës të bashkisë Finiq, bëri të mundur të shuhej zjarri, dhe të shpëtonin vajzën 13-vjeçare.
Nga zjarri pati vetëm dëme materiale, ndërsa po vijon puna për zbardhjen e plotë të shkakut.
