Një shtetas kosovar është dënuar me 6 muaj burgim, për shpërndarje të materialeve që përkrahin grupin militant, Shteti Islamik (IS), në rrjetet sociale.
Pas aktakuzës të ngritur që në vitin 2018, Gjykata Themelore në Prishtinë vendosi që të japë këtë masë dënimi për 24-vjeçarin, Bledar Qamili.
“Sot është bërë shpallja e aktgjykimit dhe Gjykata e shpalli të fajshëm klientin tim, duke e dënuar me gjashtë muaj burg efektiv”, u shpreh avokati, Gazmend Ismajli për Rel.
24-vjeçari u akuzua në vitin 2018, për veprën penale “bashkim ose pjesëmarrje në ushtrinë apo policinë e huaj, në formacionet e jashtme paraushtarake apo parapolicore, në organizimet grupore ose individualisht jashtë territorit të Republikë së Kosovës”.
Sipas avokatit, klienti i tij e kishte pranuar fajësinë dhe me këtë rast Gjykata ka marrë për bazë rrethanat lehtësuese, duke e dënuar atë me vetëm 6 muaj.
