Të gjitha çiftet kanë debate, keqkuptime dhe zënka të vogla mbi çështje të parëndësishme. Por është jetike, që ato të mos zhvillohen në praninë e fëmijëve tuaj. Disa studime, kanë zbuluar se presioni i gjakut i foshnjave rritet kur dëgjojnë prindërit e tyre që bërtasin apo grinden me njëri-tjetrin, edhe pse nuk janë në gjendje të kuptojnë shumë. Agresionet verbale si fyerjet, kërcënimet, agresionet fizike si shtyrja, goditja, thyerja e objekteve acarojnë fëmijët.
Ata nisin të ndihen fajtorë, të pafuqishëm dhe të pashpresë. Fëmijë të tillë priren të kenë probleme në zhvillimin e marrëdhënieve me moshatarët e tyre, shpesh duke u distancuar dhe shkëputur nga realiteti.
Ndaj mundohuni të mos diskutoni para fëmijëve. Nëse kjo nuk është përherë e mundur, atëherë ruani dinjitetin dhe respektin për njëri-tjetrin. Asnjëherë mos flisni keq dhe në mënyrë të vrazhdë përpara fëmijës tuaj, pasi ai do të mësojë gjithçka vetëm nga ju.
Mos fyeni asnjëherë bashkëshortin/en para fëmijës tuaj. Nëse ndodh që të ziheni para fëmijës suaj, sigurohuni që në fund të përqafoheni para tij. Kjo do ta sigurojë fëmijën, që ju i keni zgjidhur mosmarrëveshjet, dhe jeni sërish një familje e lumtur.
