Koalicioni i Vëzhguesve Vendorë shpalli sot Aksionin e Vëzhgimit për Zgjedhjet parlamentare të 25 Qershorit. Misioni i vëzhgimit, përbëhet nga 34 organizata jo-qeveritare vendase dhe me asistencën e organizatës Democracy Internationl, nga SHBA, do të kryhet falë mbështetjes financiare USAID.
Kryetari i KQZ-së, Klement Zguri, duke folur në këtë aktivitet tha se institucioni që drejton ka akredituar një numër të madh vëzhguesish të organizatave ndërkombëtare dhe atyre vendase, që do të jenë garancia më e madhe e standardeve zgjedhore.
Zguri përcolli mesazhin për vëzhguesit e akredituar, që me profesionalizëm, të kryejnë vëzhgimin në përputhje me ligjin, pa ndërhyrë në punën dhe aktivitetin e administratës zgjedhore, duke dëshmuar sërish më 25 qershor, objektivitet, profesionalizëm në gjykim, paanësi, transparencë dhe saktësi në informacion.
