Akademia Mbretërore Suedeze e Shkencave ka shpërndarë ditën e sotme çmimin Nobel për Ekonomi. Këtë të fundit e kanë marrë ekonomistët Abhijit Banerjee, Esther Duflo dhe Michael Kremer.
Banerjee dhe Kremer janë shtetas të SHBA-së, ndërsa Duflo ka nënshtetësi të dyfishtë, amerikane dhe franceze.
“Hulumtimi i kryer nga këta ekonomistë ka përmirësuar ndjeshëm aftësinë tonë për të luftuar varfërinë botërore. Në vetëm dy dekada, qasja e tyre e re e bazuar në eksperimente ka transformuar ekonominë e zhvillimit”, ka pohuar Akademia. Kujtojmë se javën e kaluar në Stokholm u ndanë edhe çmimet Nobel për letërsi, mjekësi, fizikë, kimi dhe paqe.
