Përfaqësues të Shoqatës së Transportit Ndërqytetas kanë protestuar sot përpara ministrisë së Transportit.
Ata kanë denoncuar një “pazar” që pretendojë se po i fut në sherr me operatorët e linjës së autobusëve Elbasan-Tiranë.
Kreu i Shoqatës, Kujtim Mema teksa foli për mediat tha se operatorët e kësaj linje po konkurrohen në mënyrë të pandershme, pasi MTI ka dhënë 82 licenca paralele për operatorë të tjerë, që bëjnë të njëjtën linjë, në të njëjtin orar dhe i ka futur në konflikt me njëri-tjetrin.
Mema thotë se licencat në fjalë janë marrë nga një biznesmen që edhe i ka kërcënuar, ndërsa shton se shpresa e tyre e vetme është që qeveria të ndërhyjë dhe të ndreqë këtë padrejtësi.
