Një 39-vjeçar tashmë ndodhet në qeli, pas denoncimit të bashkëshortes së tij, e cila ka treguar tmerret që ka përjetuar nga bashkëshorti i saj. Dhuna ka qenë sistematike, por bashkëshorti i saj nuk eshtë ndalur me kaq, por ka kryer marrëdhënie edhe para fëmijës së tij të mitur, vetëm 3-vjeç. Për katër vite me radhë, gruaja jetonte mes frikës dhe kërcënimeve nga burri i saj.
Historia rrëqethëse vjen nga provinca e Salernos, pikërisht nga Battipaglia, dhe përfundon me arrestimin e një shqiptari 39-vjeçar, i burgosur me urdhër të gjykatësit të Gjykatës së Salernos, pas kërkesës së prokurorit publik.
Ndaj tij rëndon akuza e abuzimit ndaj anëtarëve të familjes, sulm seksual të rënduar, etj. Hetimet ndaj shqiptarit nisën pas ankesave të partneres së tij 24-vjeçare.
Gruaja u ka thënë prokurorëve se ishte dhunuar fizikisht dhe psikologjikisht në mënyrë të vazhdueshme, për vite me radhë. Përveç rrahjes dhe poshtërimit, ai e ka detyruar atë të kryej marrëdhënie intime përpara fëmijës së tyre 3-vjeçar, për t’i treguar atij se si kryhet akti seksual.
Ngacmimet seksuale kanë vazhduar të paktën nga viti 2014, ku 24-vjeçarja për vite ka përjetuar frikën e vazhdueshme, duke qenë objekt poshtërimi si dhe abuzimi fizik.
Sapo i është dhënë mundësia, e reja ka raportuar në polici, e më pas është marrë masa për ta çuar pas hekurave. Agresori ndodhet në burgun Fuorni, ndërsa gruaja dhe djali i saj janë strehuar nga autoritetet.
