“Sa shkojnë nëpër motele e vende pa lidhje, më mirë shkoni te veni”, është shprehur me humor deputeti Milaim Zeka. Deputeti i Nismës Socialdemokrate në Kuvendin e Kosovës, Milaim Zeka, ka qenë i ftuar në emisionin “n’Kosovë Show”, ku është pyetur për kazinotë dhe prostitucionin.
Ai ka dhënë arsyet pse është dakord që prostitucioni të legalizohet. “Legalizoni hotelet, që njerëzit të mos shkojnë fshehtas për të bërë seks”, është shprehur ndër të tjera ai.
Sakaq, për të lojërat e fatit janë një lloj droge që shkaktojnë pasoja të rënda, por pavarësisht kësaj, ai nuk është dakord që të mbyllen.
“Duhet të jenë larg zonave të banuara dhe të jenë të kontrolluara nga shteti dhe policia, në këtë mënyrë nuk do të sjellin pasoja shkatërruese. Katundari që kurrë në jetën e vet nuk i ka larë dhëmbët, hap një hotel dhe bëhet milioner, por jo vetëm kaq, regjistron deputetin, ministrin, njerëz publik dhe i bën shantazh”, tha më tej Zeka.
