Një aksident i rëndë është regjistruar në orët e para të mëngjesit në Itali, si pasojë e të cilit kanë humbur jetën 6 persona.
Sipas mediave italiane, ngjarja ndodhi në Lutago rreth orës 01:15. Një makinë me shpejtësi të lartë ka goditur një grup turistësh gjermanë të cilët ndodheshin në buzë të rrugës.
Grupi i turistëve ndodhej pranë një autobusi turistik kur u godit nga një makinë, e cila drejtohej nga një 28-vjeçar. Ky i fundit rezultoi të ishte i dehur, ndërsa u arrestua dhe u dërgua në spital për t’iu nënshtruar analizave përkatëse.
Përveç 6 viktimave, nga ky aksident u shënuan edhe 11 të plagosur, 3 prej të cilëve janë në gjendje të rëndë.
