Në muajin shkurt të vitit 2018, aksidentet janë rritur në rrugët shqiptare. Krahas gabimeve të drejtuesve të mjeteve, përgjegjës dhe fajtorë janë edhe këmbësorët.
Shifrat e aksidenteve janë shtuar frikshëm, ndërsa këtë e konfirmojnë edhe buqetat e luleve që ndodhen përgjatë rrugëve. Ndërsa muaji shkurt i këtij viti rezulton si muaji ku shumë shqiptarët kanë humbur jetën për shkak të aksidenteve.
Në muajin shkurt 2018 numërohen 113 aksidente rrugore, nga 117 aksidente të ndodhur në Shkurt 2017, duke u ulur me 3,4 %. Sipas të dhënave të INSTAT, në shkurt 2018, numri i të aksidentuarve është 148 persona nga 159 që ishte një vit më parë, duke u ulur 6,9 %. Numri i të aksidentuarve në dymujorin e parë 2018, është rritur 1,9 %, krahasuar me të njëjtën periudhë të një viti më parë.
Në muajin shkurt 2018, numri i të vdekurve nga aksidentet rrugore është 20 persona, nga 17 që ishte një vit më parë për të njëjtën periudhë, duke u rritur 17,6 %. Në dymujorin e parë 2018, numri i të vdekurve nga aksidentet rrugore ëshë ulur 15,4 %, krahasuar me të njëjtën periudhë të një viti më parë. Në Shkurt 2018, aksidentet rrugore, në 85,0 % të rasteve, kanë ndodhur si pasojë e sjelljes së drejtuesit të mjetit.
Numri më i lartë i aksidenteve në këtë periudhë është kryer nga grup mosha 25 – 35 vjeç, duke zënë 32,7 %, duke u ulur me 5,1 %, krahasuar me të njëjtën periudhë të një viti më parë. Në dymujorin e parë 2018, aksidentet rrugore, në 20,6 % të rasteve, kanë ndodhur si pasojë e sjelljes së këmbësorit. 
Gjatë kësaj periudhe numri i të aksidentuarve sipas sjelljes së këmbësorit është rritur 30,8 %, krahasuar me të njëjtën periudhë të një viti më parë.
