Deputetja dhe zëdhënësja e PD, Grida Duma ka folur në lidhje me protestën e opozitës, e cila është caktuar të mbahet në 27 janar. Teksa ka folur në Ora Neës, Duma parashikon një protestë të qetë, ndërsa ka besim se nuk do të përfundojë në veprime të dhunshme dhe nuk do të hiqen pllakat e bulevardit.
“Po punohet me angazhim serioz për të angazhuar qytetarët në një pjesëmarrje masive, treguesi i parë që do të jetë deciziv. Kjo nuk duhet të na çojë në relativizmin e numrave. Numrat nuk janë vetëm sasi por edhe cilësi. Pjesëmarrja e numrave tregon se ka frymë. Nëse ne do arrijmë dhe do ta arrijmë, kjo është pjesë e kauzës dhe frymës”,– theksoi ajo.
Sipas Dumës, kjo është e vetmja mënyrë për të ushtruar presion ndaj qeverisë së Edi Ramës, ndërsa shton se PS ka marrë rrugën e transformimit nga tirania në autokraci
“Së pari të nisë atë që është një valë protestash, është e vetmja mënyrë për të tronditur atë qeverisje që sot po rrezikon të shkojë në një tirani dhe autokraci”-u shpreh Duma
