Policia ka zbardhur ngjarjen e ndodhur para dy ditësh në fshatin Gjerbë të Mirditës, duke vënë në pranga 3 persona.
Mësohet se familjarët e shtetases D. S, 50 vjeçe, janë paraqitur pranë Komisariatit të Policisë në Mallakastër, për të denoncuar largimin nga banesa të gruas.
Pas këtij denoncimi, policia ka nisur hetimet duke zbuluar se në këtë ngjarje ishte i përfshirë nipi i shtetases së humbur (djali i vëllait të burrit). Policia bën me dije se në datën 05.01.2020, 16-vjeçari bashkë me 2 shokë të tij kanë shkuar për të vjedhur në banesën e gruas. Por kjo e fundit ka shfaqur rezistencë, teksa tre djemtë vendosën ta hidhnin atë në rezervuarin e fshatit Gjerbës.
Ndërkohë ditën e sotme është gjetur edhe trupi i pajetë i shtetases D. S. nga Polumbarët e Repartit Special Renea. Lidhur me këtë ngjarje, specialistët për Hetimin e Krimeve të Rënda në Drejtorinë Vendore të Policisë Fier, arrestuan shtetasit:
S., 16 vjeç, banues në Gjerbës,.S. Sh., 16 vjeç, banues në Çërrillë, dhe E. Z., 26 vjeç, banues në Gjerbës, Mallakastër.
