Ministria libaneze e Shëndetësisë bën me dije se ka shkuar në 50 numri i personave që kanë humbur jetën, si pasojë e shpërthimit të fuqishëm në Liban.
Sipas mediave të huaja, rreth 3,000 persona janë plagosur nga shpërthimi në një zonë industriale në portin e Bejrutit. Ndërkohë, shumë prej të plagosurve ndodhen në gjendje kritike në spital.
Spitalet kanë deklaruar se janë jashtë kapaciteteve, ndërsa Kryqi i Kuq ka bërë thirrje për dhurime masive gjaku të çdo grupi.
Një depo që dyshohet se strehonte lëndë plasëse mori zjarr dhe më pas shpërtheu duke lëshuar një valë goditëse që shkatërroi qindra ndërtesa. Qeveria ka shpallur të mërkurën ditë zie kombëtare.
