Eksperti i sëmundjeve infektive, Anthony Fauci është shprehur se lehtësimi i masave kufizuese në SHBA do të vijë shumë shpejt.
Mirëpo presidenti Trump duket se nuk e ka pritur mirë këtë deklaratë të tij. Sipas BBC, Trump e ka cilësuar këtë deklaratë të Fauci-t si të papranueshme.
“Unë mbeta i befasuar nga përgjigja e tij, sepse nuk ka qenë përgjigje e pranueshme, sidomos kur është fjala për shkollat”, tha ai.
Fauci ka thënë të martën para Kongresit se rihapja e parakohshme e ekonomisë amerikane mund të rezultojë me shpërthime tjera të koronavirusit.
Drejtori i Institutit Kombëtar për Sëmundje Infektuese dhe Alergji ka paralajmëruar një panel të Senatit amerikan se shtetet duhet të ndjekin rekomandimet e ekspertëve shëndetësorë dhe të presin derisa të ulet numri i të infektuarve para rihapjes.
“Nëse disa zona, qytete apo shtete, hapen para kohës, pa pasur kapacitetet që të përgjigjen me efikasitet, shqetësimi im është se ne do të shohim shenja të vogla që mund të kthehen në shpërthime. Pasojat mund të jenë shumë serioze”, ka deklaruar ai.
SHBA është vendi më i prekur në botë nga koronavirusi, me më shumë se 1,4 milionë raste infektimesh dhe mbi 85 mijë viktima.
