Policia ka ndërhyrë në kohë dhe ka parandaluar përshkallëzimin e një konflikti me armë në Shkodër. Një person ka nxjerrë armën e gjahut dhe ka qëlluar në drejtim të një automjeti, ku si shënjestër kishte fqinjin e tij.
Policia ka mbërritur menjëherë në vendngjarje duke arrestuar shtetasin Zefjan Çunit, 40 vjeç, banues në fshatin Bushat.
Njoftimi i policisë
Në fshatin Bushat të Vaut të Dejës, ka ndodhur një konflikt mes dy shtetasve, ku më pas njëri nga personat e përfshirë, ka qëlluar me armë gjahu në drejtim të automjetit me të cilin po largohej shtetasi tjetër.
Shërbimet e Policisë, pas marrjes së njoftimit, kanë shkuar menjëherë në vendngjarje, ku falë veprimeve të shpejta operacionale, është bërë e mundur kapja dhe arrestimi në flagrancë i Zefjan Çunit, 40 vjeç, banues në fshatin Bushat.
40-vjeçarit iu gjet e iu sekuestrua arma e gjahut e përdorur. I lartpërmenduri, si pasojë e një konflikti për motive të dobëta, ka qëlluar me armë gjahu në drejtim të automjetit që drejtohej nga shtetasi Z. Ll. 40 vjeç, por pa shkaktuar pasoja. Materialet u referuan në Prokurorinë e Rrethit Gjyqësor Shkodër, për veprime të mëtejshme.
