Kryetarja e bashkisë së Shkodrës Voltana Ademi ka përjashtuar nga gara ofertuesit e parë për tenderin e druve të zjarrit të kërkuar nga Drejtoria Ekonomike e Arsimit.
Ademi, si autoriteti kryesor kontraktues ka hapur tenderin e druve, ku shuma e lëvrimit të tenderit shkon në 11 milionë lekë (nuk specifikohet të reja apo të vjetra), që dalin nga vetë buxheti i bashkisë së Shkodrës.
Afati kohor i paraqitjes së kërkesave ishte data 27 korrik 2017 në orën 12.00 në njësinë e Prokurimeve Publike të Bashkisë Shkodër dhe kontrata parashikohej të zgjaste deri në 31 dhjetor të këtij viti.
Njoftimi për tenderin e druve
Njoftimi i Tenderit by Tirana Today on Scribd
Por, pikërisht në ditën kur përfundonte afati i paraqitjes së kërkesave, Ademi shtyn afatin e këtij procesi përmes një njoftimi, ku nuk paraqet asnjë shkak konkret.
Në njoftim thuhet vetëm se pranë Autoritetit Kontraktor Bashkia Shkodër një operator ekonomik ka paraqitur formularin e ankesës. Por, Bashkia nuk e bën të ditur as operatorin ekonomik dhe as formularin e ankesës së tij, por vetëm konstaton se tenderi është pezulluar me urdhër të Voltana Ademit.
“Duke ju referuar procedurës së prokurimit me objekt; Blerje dru zjarri (Drejtoria Ekonomike e Arsimit)”, për t’u zhvilluar më datë 27.07.2017,ora 12.00 , sqarojmë operatorët ekonomikë të interesuar se pranë Autoritetit Kontraktor Bashkia Shkodër më datë 11.07.2017 ka paraqitur formularin e ankesës për kriteret e vendosura në DST një operator ekonomik. Me marrjen e ankesës procedura e prokurimit është pezulluar me urdhër të titullarit të Autoritetit Kontraktor”, thuhet në njoftim.
Njoftimi për shtyrjen e afatit të prokurimit publik
Shtyrja e Afatit by Tirana Today on Scribd
Sipas dokumenteve të siguruara përmes “Open Data Albania”, me pezullimin e tenderit nga ana e Voltana Ademit, operatorëve që kanë konkurruar dhe kanë paraqitur ofertat e tyre, duket se kanë dalë jashtë garës dhe dikush tjetër është favorizuar në këtë proces tenderimi. TIRANA TODAY
Dokumentet standarde të procedurës së hapur për mallra:
Procedura e Prokurimit Publik by Tirana Today on Scribd
