Plagosje me armë zjarri në qytetin e Shkodrës. Mësohet se është plagosur biznesmeni Xhevat Vataksi. Sipas të dhënave të para bëhet me dije se ngjarja ka ndodhur në njësinë Bërdicë.
Ndërkohë që në vendin e ngjarjes ka mbërritur policia dhe kanë nisur hetimet për zbardhjen e plotë të ngjarjes.
Vataksi është 60 vjeç dhe për momentin ndodhet në spitalin e Shkodrës, ku është jashtë rrezikut për jetën.Biznesmeni është qëlluar në këmbë dhe autori i ngjarjes është identifikuar nga policia, por kjo e fundit nuk e ka bërë ende të mundur arrestimin e tij.
Plagosja ka ndodhur në kantierin e ndërtimit të Xhevat Vataksit.
Informacioni paraprak
Me datë 05.05.2018 ora 12.30 jemi njoftuar se në fshatin Darragjat Shkodër, ka ndodhur plagosje me armë zjarri, ku ka mbetur i plagosur shtetasi Xh. V. 60 vjeç.
Menjëhere jane vënë në levizje të gjitha shërbimet e policisë duke rrethuar zonën dhe duke bërë krehjen e zonës për të bërë të mundur identifikimi dhe po punohet për kapjen e autorit, shtetasit A. L. 43 vjeç, banues në fshatin Berdicë.
Shtetasi Xh. V është dërguar në Spitalin Rajonal Shkodër, i cili ka marr plagë në kembë, momentalisht ndodhet jashtë rreziku për jetën
Në vendngjarje ndodhet grupi hetimor nën drejtimin e Prokurorisë Rrethit Shkodër për sqarimin e rrethanave të ngjarjes.
