Një 24-vjeçar nga Shkodra ka përfunduar në pranga pasi qarkullonte me armë pa leje.
I arrestuari është shtetasi Leonard Gjergji, të cilit iu gjet në automjetin e tij tip “Jeep”, një armë tip zjarri pistoletë.
Kjo e fundit u gjet në sedijen e pasme në një çantë personale si dhe u sekuestrua nga policia në cilësinë e provës materiale.
Materialet iu referuan Prokurorisë së Rrethit Gjyqësor Shkodër për veprën penale “Prodhimi dhe mbajtja pa leje e armëve luftarake dhe e municionit”, parashikuar nga neni 278 i Kodit Penal.
