Një ngjarje e rëndë tronditi sot qytetin e Shkodrës, ku u plagosën tre persona, dy prej të cilëve ndodhen jashtë rrezikut për jetën dhe njëri në gjendje të rëndë shëndetësore. Personat e plagosur janë Doni Lisi, Enrik Prenushi si dhe Elona Çurku.
Sipas spitalit të Shkodrës, Doni Lisi ndodhet në gjendje të rëndë shëndetësore, pasi dyshohet se ka marrë plumba në pjesën e gjoksit. Sakaq, vajza, e cila ka marrë plagë në këmbë dhe kalimtari fatmirësisht janë jashtë rrezikut për jetën për jetën.
Nga ajo çka mësohet është fakti se Enrik Prenushi ka mbetur i plagosur aksidentalisht, pasi objektiv ka qenë Lisi dhe vajza me të cilën ishte shoqëruar.
Sipas të dhënave të para, mësohet se ngjarja ka ndodhur në qendër të qytetit, tek ish-sheshi i 5 heronjve, ku ka pasur të shtëna me armë nga një makinë jeshile. Ndërkaq, policia po punon për identifikimin dhe kapjen e autorëve të kësaj ngjarje.
