Të shtëna me armë zjarri janë regjistruar mbrëmjen e së dielës në qytetin e Shkodrës.
Viktima është identifikuar dhe bëhet fjalë për shtetasin Bardhok Pllanaj, i njohur me nofkën kumbari.
Pamjet e publikuara nga mediat lokale tregojnë momentet rrëqethëse, teksa dëgjohet ulërima therëse e vajzës së 47-vjeçarrit Pllanaj.
Autorët dyshohen se e kanë ndjekur Pllanajn për rreth 150 metra, e më pas e kanë qëlluar, duke e lënë të vdekur.
Ndërkohë, në afërsi të vendit të krimit është gjetur edhe një makinë e djegur, e cila dyshohet se i përket autorëve. Brenda makinës është gjetur një armë tip kallashnikov.
