Gjatë natës është djegur pjesërisht një mjet në pronësi të një punonjësi policie në Komisariatin e Policisë Shkodër. Burimet zyrtare të uniformave blu njoftojnë se ngjarja ka ndodhur rreth orës 04:00, në lagjen “Tre Heronjtë”, Shkodër, ku është djegur pjesërisht mjeti tip “Mitsubishi” në pronësi të shtetasit S. K., 54 vjeç. Automjeti ka qënë i parkuar përpara banesës së tij.
Njoftimi
Më datë 14.05.2022, rreth orës 04:00, në lagjen “Tre Heronjtë”, Shkodër, është djegur pjesërisht mjeti tip “Mitsubishi” në pronësi të shtetasit S. K., 54 vjeç, me detyrë punonjës policie në Komisariatin e Policisë Shkodër. Automjeti ka qënë i parkuar përpara banesës së këtij shtetasi. Vijojnë veprimet hetimore për përcaktimin e rënies së zjarrit dhe dokumentimin e plotë të ngjarjes.
