Një djalë i ri ka humbur jetën sot në Tiranë, pasi një masiv dheu është shkëputur dhe e ka zënë poshtë, teksa ai gërmonte për të kërkuar skrap.
Tiranë.
Informacion paraprak.
Sot rreth orës 13:00, në Shkozë, në një masiv inertesh mbetje të ish uzinës së autotraktoreve, pranë punimeve të rrugës për Unazën e Madhe shtetasi A.R., 26 vjeç, duke gërmuar për të nxjerrë skrap, është shkëputur një masiv dheu e për pasojë e ka zënë poshtë.
Ai është transportuar në spital, por si pasojë e plagëve të marra ka humbur jetën.
Grupi hetimor ndodhet në vendngjarje për veprimet e mëtejshme.
