Dhëmbët e ndjeshëm janë një nga problemet që hasim më së shumti gjatë jetës sonë, problem i cili jep ndikimin e tij edhe në shumë fusha të tjera të shëndetit të përgjithshëm të njeriut. Shkencëtarët kanë zbuluar formulën e re të dhëmbëve të fortë të bërë me çaj jeshil që lehtëson dhimbjen dhe parandalon dëmtimin e tyre.
Lloji i pastave të dhëmbëve që përdoren zakonisht për dhëmbë të ndjeshëm, nuk kanë efekte afatgjata. Formula e re me baze çajin jeshil mund të lehtësojë dhe të parandalojë dhimbjet. Erozioni është shkaku i zakonshëm i dhimbjes ose problemeve të ndryshme të dhëmbëve.
Shumë individë kanë ndjeshmëri ndaj pijeve të nxehta ose të ftohta. Tani shkencëtarët kanë shpikur një pastë të re, të bërë me ekstrakt nga çaji jeshil që mund të zgjidhë këtë problem dhe të ndihmojë në parandalimin e dëmtimit të dhëmbëve.
Cui Huang nga Universiteti i Wuhan në Kinë dhe kolegët e tij, donin të trajtonin ndjeshmërinë dhe të luftonin bakteret në të njëjtën kohë prandaj erdhën me këtë produkt, shkruan Shëndeti Online.
Komponimet e çajit të gjelbër gjithashtu veprojnë si një freski natyrore për frymëmarrjen, sipas Dr. Tim Bond nga grupi shëndetësor “The Tea Advisory Panel”.
“Është e njohur se çaji jeshil ka një numër përfitimesh për higjienën dentare dhe orale. Ekstraktet e çajit jeshil ndalojnë depërtimin e materialeve që përmbajnë sheqer në dhëmbë, duke ndaluar kështu dhe prodhimin e acideve që përshpejtojnë erozionin e sipërfaqes së dhëmbit”.
