Shkencëtarët janë habitur nga gjetja e një oktapodi të rrallë me “lytha”, dhe një sfungjeri deti “zombi”. Videoja, e cila u kap nga eksploruesit detarë në SHBA, tregoi dy pamje të rralla nga nën sipërfaqja e oqeanit. Mrekullitë e ujërave të thella u filmuan nga studiuesit e NOAA Ocean Exploration, të cilët publikuan imazhe të gjallesave me pamje drithëruese përpara festimeve të Halloween-it.
Në pjesën e parë të filmimit, një oktapod i rrallë vjollcë me sy gjigantë mund të shihet duke kaluar rastësisht në fund të oqeanit, duke përhapur tentakulat e tij të përparme sikur të ishte duke bërë një shtrirje në mëngjes.
Ajo që është veçanërisht unike për këtë ekzemplar, është fakti se trupi i tij është i mbuluar me lytha.
NOAA Ocean Exploration tha: “Ky oktapod, i mbiquajtur oktapodi me lytha për shkak të gungave kërcore që shihen përgjatë trupit të tij, u pa në brigjet e Atlantikut të Floridës në Blake Escarpment”.
Megjithëse dihet pak për këtë krijesë të veçantë të oqeanit, një studim i botuar në Buletin of Marine Science dhe i udhëhequr nga autorja Janet Voight, zbuloi se pamja e saj e pazakontë është për shkak të faktit se ajo jeton në pjesët më të thella të oqeanit. Kjo do të thotë, me fjalë të thjeshta, se sa më i thellë të jetë uji, aq më shumë gunga do të ketë krijesa në trupin e saj.
Pjesa e dytë e pamjeve video zbulon një fakt tjetër edhe më të çuditshëm – një sfungjer “zombie”. Është quajtur një zombie sepse, në shikim të parë, duket si i gjallë ashtu edhe i vdekur, sipas ekspertëve nga NOAA.
Siç tregon video, “zombi” duket se ka kolonizuar pjesë të brendshme të një skeleti të vdekur. NOAA tha: “Është në fakt rezultat i larvave të sfungjerit që vendosen dhe rriten brenda skeletit të paraardhësit të tyre të vdekur”.
Muajin e kaluar “The Mirror” raportoi për “detet e qumështit” që tingëllojnë si diçka e shkëputur nga faqet e njohurive detare, por janë një dukuri e vërtetë, por e parë rrallë. Fotot e botës reale të këtij fenomeni natyror mahnitës të marra nga një grup marinarësh në vitin 2019, treguan se ato ishin një fenomen i vërtetë.
Shpeshtësia dhe largësia e deteve me qumësht, kur oqeani gjatë natës shkëlqen në mënyrë misterioze të bardhë, i ka penguar shkencëtarët gjatë viteve. Por një teori është se shkaktohet nga bakteret biolumineshente që komunikojnë me njëri-tjetrin.
Steven Miller, një profesor i shkencës atmosferike në Universitetin Shtetëror të Kolorados, beson se vetëm “një pjesë e vogël e njerëzve” e kanë parë ngjarjen unike.
Burimi i lajmit: Mirror. Përshtatur nga Tirana Today
