Gjatë ditës së djeshme Prokuroria i ka dërguar një fletëthirrje për çështje “CEZ” djalit të ish-kryeministri Sali Berisha, Shkëlzen Berishës. I pyetur nga Arian Çani në “Zonë e Lirë” si u ndje pasi mësoi këtë lajm, Berisha u shpreh: “Si baba jam ndjerë shumë mirë. Beteja politike nuk më intimidon kurrë. Shqiptarët e panë në të gjitha seancat e komisionit që ajo ishte përpjekje e turpshme e Edi Ramës për të mbuluar vjedhjen më të madhe në historinë e vendit”.
Ish-Kryeministri theksoi se nëse djali i tij thërritet nga organet e hetimit për këtë dosje, duhet të vazhdojë betejën për të demaskuar qeverinë Rama. Duke iu referuar deklaratës së ambasadorit amerikan Donald Lu për “peshqit e mëdhenj”, Berisha deklaroi se nuk bëhet fjalë për djalin e tij.
Pjesë nga deklarata:
Arian Çani: Pra ju nuk merakoseni fare për Shkëlzenin?
Sali Berisha: Absolutisht, do ta çojë betejën me shumë sukses. U sulmua politikisht, do reagojë politikisht, do përgjigjet politikisht.
Arian Çani: Kur Donald Lu tha se “peshqit e mëdhënj” do kapen në Janar, mos e kishte fjalë për Shkëlzenin doktor?
Sali Berisha: Absolutisht jo. Shkëlzeni nuk ka thyer asnjë ligj.
Arian Çani: Nëse nisemi nga konteksti që ju paraqisni që ky është narkoshtet atëherë s’ka nevojë të paraqiten prova kundër tij.
Sali Berisha: Jo jo është qartësisht narkoshtet.
Arian Çani: Me kë do të luftojë Shkëlzeni? Luftohet me një shtet të së drejtës.
Sali Berisha: Është fillim beteje, padiskutim.
