Shkëlqen me Osijek, gjiganti kroat kërkon Eros Grezdën

Eros Grezda është duke kaluar një formë të shkëlqyer në Kroaci tek Osijeka, duke shënuar dhe asistuar në çdo ndeshje. Kjo formë e artë ka bërë që të interesohen ekipe të mëdha për sulmuesin kuqezi. Ditët e fundit mediat kroate kanë raportuar se Grezda mund ti bashkohet Dinamos së Zagrebit, që po kërkon një zëvendësues për algjerianin Soudani.

Për momentin nuk ka zhvillime konkrete, por emri i futbollistit kuqezi, i cili luan si sulmues krahu, po përmendet shpesh në merkaton e Dinamos së Zagrebit, ekipit që vitet e fundit është ndeshur dy herë me Skënderbeun në Europë dhe herën e fundit është eliminuar nga korçarët.

Nëse do të kalonte te Dinamo e Zagrebit, do të ishte një hap i madh përpara për futbollistin kuqezi, një nga më të preferuarit e trajnerit Kristian Panuçi.