Të paktën katër persona duke përfshirë një fëmijë u vranë dhe rreth 70 të tjerë u plagosën rëndë të dielën, kur u shemb një tribunë demash në Kolumbi, thanë zyrtarët.
Një pjesë e tribunave prej druri të mbushura me spektatorë u shemb në qytetin qendror të El Espinal duke hedhur dhjetëra njerëz në tokë, sipas imazheve të transmetuara në mediat sociale.
Një tjetër video e marrë nga dikush në vendngjarje, tregonte njerëz që përpiqeshin të arratiseshin nga tribuna, ndërsa një dem vazhdon të endet në arenë.
“Ka katër persona të vdekur për momentin – dy gra, një burrë dhe një fëmijë”, tha guvernatori i departamentit të Tolima, Jose Ricardo Orozco për radion lokale pas incidentit.
“Ka rreth 30 persona të plagosur rëndë… ky është një raport paraprak,” tha Orozco, duke vënë në dukje se personeli i urgjencës ishte ende duke evakuuar të plagosurit në spitalet e zonës për trajtim.
Veprimtaria, ku anëtarët e publikut përballen me dema të vegjël, ishte pjesë e festimeve rreth festivalit San Pedro, më i popullarizuari në rajon.
“Ne do të kërkojmë një hetim të fakteve për atë që ndodhi”, tha presidenti në largim i Kolumbisë, Ivan Duque në Twitter, duke shprehur solidaritetin e tij me familjet e të vrarëve dhe të lënduarve.
Burimi i lajmit: dailymail. Përshtatur nga Tirana Today
