Policia ka shkatërruar shtatë banda kriminale në Greqi, të cilët në bashkëpunim mes tyre trafikonin lëndë narkotike në disa zona. Mësohet se nga ky aksion kanë përfunduar në pranga dy shqiptarë dhe 20 shtetas grekë.
Sipas mediave fqinje, janë kontrolluar 20 shtëpi, ndërsa u sekuestrua një sasi kokaine dhe heroine me vlerë mbi 41 mijë euro, pistoleta, fishekë, gjashtë makina si dhe një laborator droge. Raportohet se ky grup shiste një dozë heroine 0.5 gram në shumën 8 euro.
Po ashtu, shpërndarja e sasisë së lëndës narkotike realizohej përmes rrjeteve sociale, por dhe me anë të aplikacioneve në internet,me qëllimin e vetëm që të shmangnin kontaktet e drejtpërdrejta me persona të tjerë.
Për t’u mos u kuptuar nga autoritetet, anëtarët e bandave përdornin kode të veçanta në komunikim.
Hashashi kodohej me fjalët “Goma”, ose “jeshile”, ndërsa tabletat ishin “karamelet”. Heroinë ishte koduar me fjalët “mish”, “gështenja” dhe “kafe”, për shkak të ngjyrës së saj të errët, ndërsa kokaina quhej “e bardhë” ose “dëborë”.
