Policia në Athinë ka bërë të ditur se ka goditur një bandë prej 10 anëtarësh e cila u shiste drogë të rinjve nëpër shkolla. Sipas autoriteteve greke bëhet e ditur se anëtarët e bandës u shinin grogë adoleshentëve në shkollat e mesme në Zografou, Kaisariani, Viron dhe Pangrati.
Mediat shkruajnë se të dyshuarit janë tetë shtetas shqiptarë dhe dy grekë, të gjithë të moshës ndërmjet 18 dhe 26 vjeçare. Ndërsa policia është në kërkim të disa bashkëpunëtorëve të tjerë të cilët thuhet se janë po shqiptarë.
ta ua shisnin për rreth pesë ose tetë euro një gram kanabis, adoleshentëve. Dy shqiptarë, të moshës 24 dhe 26 vjeç, besohet të kenë luajtur një rol udhëheqës, duke mbledhur dërgesat e drogës nga Atdheu (Shqipëria) dhe duke e ruajtur atë në shtëpi.
Droga më pas iu shpërndante anëtarëve të tjerë të rrjetit që e shisnin ata në shkollat e Athinës. Gjatë tre muajve të fundit, banda besohet të ketë shitur rreth 12.5 kilogramë kanabis, duke marrë 100,000 euro fitim. Një kërkim në shtëpitë e të dyshuarve nga policia arriti të sekuestrojë 1,5 kg kanabis, 8,000 euro, një armë dhe 12 celularë. Policia gjithashtu konfiskoi tre makina dhe një motor që besohet se është përdorur nga anëtarët e bandës. Të dyshuarit tashmë pritet të dalin para autoriteteve të drejtësisë. /Tirana Today/
