Trajneri i Tiranës është shkarkuar, ndërsa të rinjtë kanë bojkotuar stërvitjen. Bëhet fjalë për ekipin Tirana U-19, ku të lojtarët e rinj kanë “protestuar” duke mos marrë pjesë në stërvitje, për shkak të shkarkimit të trajnerit Sokol Bulku.
Pas 12 javësh kampionat, Tirana U-19 renditet në vendin e katërt me 22 pikë, 6 pikë më pak se zona që të kualifikon në fazën “play-off”, nga ku shpallet edhe ekipi kampion.
Sot pritet të mësohet më shumë rreth revoltës së të rinjve, të cilët nuk janë dakord me vendimin e marrë nga kreu i klubit bardheblu, Refik Halili.
