Para se Parlamenti të votojë për shkarkimin e presidentit Ilir Meta, deputetët e Komisonit Hetimor, të drejtuar nga Ulsi Manja kanë përgatitur 8 pyetje që kërkojnë përgjigje nga Komisioni i Venecias.
Fillimisht kërkohet shpjegim për rolin e Presidentit në proceset zgjedhore, në regjimet parlamentare si Shqipëria, në raport me pushtetet e tjera.
Pyetjet e ngritura, të zbardhura nga “A2CNN”, mund të marrin përgjigje në tetor, kur është sesioni i radhës i punimeve të Komisionit të Venecias.
8 pyetjet për Komisionin e Venecias
1.Roli i Presidentit në proceset zgjedhore, në regjimet parlamentare si Shqipëria, në raport me pushtetet e tjera?
2.Kushtetuta dhe Konventat a kanë detyrime që i imponohen Presidentit, në ushtrimin e kompetencës për caktimin e datës së zgjedhjeve?
3.A ka kufizime në ushtrimin e kësaj kompetence nga e drejta e zgjedhësve për votuar?
4.Kompetenca e Presidentit të Republikës për caktimin e datës së zgjedhjeve, është një e drejtë apo detyrim për ushtrimin e sovranitetit te popullit?
5.A cenohen parimet e së drejtës për të zgjedhur dhe të sigurisë kushtetuese, nga anulimi i datës së zgjedhjeve dhe caktimi i një date tjetër nga Presidenti, organet e administrimit të zgjedhjeve kanë nisur punën?
6.A kemi ndërhyrje të Presidentit të Republikës në procesin zgjedhor, duke cenuar të drejtën e subjekteve zgjedhore për të konkurruar në mënyrë të barabartë dhe të lirë?
7.A e respekton parimin e periodocitetit të zgjedhjeve dekreti për anulimin e 30 Qershorit 2019?
8.A konsiderohet cenim i sigurisë juridike ndryshimi i datës së zgjedhjes? A lidhet cenimi i sigurisë juridike me pasojat që vijnë apo mjafton shkelja e parashikimeve kushtetuese dhe cenimi konsiderohet i kryer?
