Vendimet e administratorit teknik të OSSHE, për pezullimin e dy drejtorëve rajonal në Elbasan dhe Pukë, ka hasur në pengesë proceduriale.
Ka qenë Këshilli Mbikëqyrës i OSSHE-së i cili nuk ka pranuar vendimin e kreut Haki Mustafa, duke e cilësuar si shkelje të procedurave, pasi vendimi nuk është paralajmëruar.
Gjithashtu Këshilli Mbikëqyrës bën të ditur se Administratori nuk ka kompetencën e shkarkimit apo emërimit dhe se me këtë vendim, Mustafa ka kaluar kompetencat e tij.
Nduke Nikolli, drejtori i Agjencisë së OSSHE Pukë dhe Bukurosh Maçi, drejtor i OSSHE Elbasan, u pezulluan dje me urdhër të Administratorit të Përgjithshëm i OSSHE-së, Haki Musatafa me akuzën “Për pjesëmarrje në fushatë”.
