Prej mbrëmjes së djeshme vendi është përfshirë nga moti i keq. Edhe gjatë ditës së sotme situata do të jetë e paqëndrueshme, ku pasdite pritet të ketë reshje shiu në të gjithë vendin. Gjatë natës pritet të ketë përmirësim të kushteve të motit.
Gjatë natës më problematike situata është paraqitur në qytetin e Vlorës. Erërat e forta kanë shkaktuar dëme në qytet si edhe disa fshatra. Në zonën e Orikumit si dhe në disa fshatra të tjerë ka ndërprerje të energjisë elektrike për shkak të shkëputjeve të linjave.
Ndërkohë si pasojë e erës së disa pemë në shëtitoren Lungomare janë dëmtuar dhe kanë qenë punonjësit e shërbimeve publike që janë aktivizuar për t’i larguar.
