Univeristetet publike kanë një trend rënës sa i përket ndjekjes së studimeve nga studentët për të tretin vit radhazi. Në linjën e të dhënave të INSTAT për vitin 2017 kanë ndjekur studimet e larta në universitetet publike 115, 093 studentë, kjo shifër e krahasuar me vitin e mëparshëm është ulur me 5 pikë përqindjeje.
Ky trend zbritës vijon për të tretin vit radhazi në lidhje me numrin e studentëve të cilër iu drejtohen universiteteve publike për të ndjekur studimet e larta.
Shifër më të madhe të ndjekjes së studimeve në universitetet publike është shënuar në vitin akademik 2013-2014.
“Ekspertët e tregut pohojnë se rënia po vjen për disa arsye që lidhen me zgjerimin e tregut privat të universiteteve private, rritjen e tarifave për studimet master në sektorin publik dhe faktorët të tjerë demografike që lidhen me emigracionin ë lartë ndër të rinj dhe plakjen e popullsisë”-shkruan Monitor.al.
Studentë Për Çdo Fakultet Dhe Sipas Programit Viti Akademik 2016 2017 Në Arsimin Publik by Tirana Today on Scribd
Gjatë vitit 2015 tarifat e studimeve master në sektorin publik të arsimit të lartë u rriten me mbi 20 për qind. Bashkë me disa tarifa shërbimesh që studentet paguajnë në universitetet e shtetit tani pagesat master kanë shumë pak diferencë me privatin. Teksa numri i studentëve në shtet ra, në ato private në vitin 2016 erdhi me rritje me një shtesë prej rreth 1 mijë studentësh, teksa numri i tyre për vitin 2017 ende nuk është zyrtarizuar.
Por faktori demografik duket se do të jetë vendimtar për popullimin e universiteteve në vijim. Gjithnjë e më shumë të rinjtë shqiptarë të demotivuar se sistemi studimeve të larta është larg tregut të punës po orientohen të studiojnë jashtë vendit apo edhe të emigrojnë.
