Shqipëria është bërë një destinacion i preferuar nga për të kaluar pushimet, si për vendasit ashtu edhe për të huajt.Gjatë muajit nëntor të këtij viti ka patuar një bum lëvizjes dhe hyrja dalje të konsiderueshme, krahasuar me të njejtën periudhë të një viti më parë.
Numri i shtetasve shqiptarë dhe të huaj të hyrë në territorin shqiptar, në muajin nëntor 2017 shkon 628.715 persona. Krahasuar me nëntor 2016, ky tregues rezulton me rritje 15,5 %. Numri i shtetasve të huaj të hyrë në vend është 256.216. Krahasuar me nëntor 2016, ky numër është rritur me 21,8 %.
Numri i shtetasve të huaj të hyrë në vendin tonë në njëmbëdhjetëmujorin e 2017 është 4.860.226, duke u rritur me 7,8 %, në krahasim me të njëjtën periudhë të vitit 2016. Në nëntor 2017, ndër vendet që kanë hyrjet më të larta të shtetasve në Shqipëri, Polonia ka patur rritjen më të madhe me 5 herë, ndërsa uljen më të madhe e kanë patur shtetasit nga Greqia me 11,6 %.
Sipas INSTAT, në njëmbëdhjetëmujorin e 2017, ndër vendet që kanë hyrjet më të larta të shtetasve në Shqipëri, Polonia ka patur rritjen më të madhe 75,9 % dhe rënie kanë patur vetëm hyrjet nga Kosova me 19,1 %.Shtetasit shqiptarë dhe të huaj të dalë nga vendi, gjatë muajit Nëntor 2017, janë 705.760 duke shënuar një rritje me 21,7 %, krahasuar me të njëjtën periudhë të një viti më parë. Numri i shtetasve shqiptarë të dalë nga territori i Shqipërisë, gjatë muajit Nëntor 2017, është 418.792. Krahasuar me Nëntor 2016, ky numër është rritur 13,3 %. TIRANA TODAY
