Radha më e gjatë e makinave në trafik ka ndodhur në Francë në vitin 1980. Karvani i automjeteve ishte 175 km i gjatë, nga Parisi në Lion. Në vitin 2010, një bllokim trafiku në një autostradë pranë Pekinit në Kinë, mbajti dhjetëra mijëra makina të bllokuara për më shumë se 12 ditë.
Bllokimet e mjeteve në trafik, i kushtojnë çdo vit Evropës 1 për qind të GDP. Në Londër, Këln, Amsterdam dhe Bruksel, shoferët kalojnë më shumë se 50 orë në vit në bllokimet e trafikut rrugor. Kjo shifër është mbi 70 orë në Utreht, Mançester dhe Paris.
Bashkimi Evropian, ka më shumë se 4.5 milionë km rrugë të asfaltuara. Vetëm gjatë viteve 2000- 2006, BE investoi gjithsej 859 miliardë euro në infrastrukturën e transportit. Në SHBA kostoja mesatare e bllokimit në trafik, i tejkalonte 900 dollarë për çdo shofer në vitin 1997, duke çuar në 72 miliardë dollarë shpërdorime.
Transporti publik, kursen më shumë se 3.2 miliardë litra benzinë në vit në SHBA. Kjo është e barabartë me energjinë e përdorur për ngrohje, nga çereku i familjeve amerikane për një vit.
