Kroacia ishte surpriza e Botërorit të Rusisë. Pavarësisht se nuk arritën të fitojnë titullin, ata arritën deri në finale dhe kjo ishte historikë për kroatët. Nga ndeshja e parë, deri në humbjen e fundit përballë Francës, kroatët treguan një nivel loje të jashtëzakonshme dhe fituan zemrat e tifozëve në mbar botën. Modric u shpallfutbollisti më i mirë i botërorit, ndërsa Perisic vendosi një rekord.
Lojtari i Interit ishte një nga protagonistët e suksesit historik të Kroacisë në Kupën e Botës, ku për herë të parë arriti të shkojë deri në finale. Sulmuesi anësor i Interit punoi jashtëzakonisht shumë, duke shënuar e asistuar, ndërsa shpesh nxori skuadrën nga situata mjaft të komplikuara, ndërsa gjeti golin e barazimit të përkohshëm në finalen me Francën.
Shifrat tregojnë se Perisiç është futbollisti që ka vrapuar më shumë në “Rusi 2018”, me plot 74.5 kilometra të përshkuara në 638 minuta lojë, duke lënë pas dy shokët e skuadrës Ivan Rakitic dhe Modric. Gjithsesi kjo shifër është më e ulët se 80 kilometrat e përshkuara nga Xavi në 2010-ën dhe 84 kilometrat e përshkuara nga Muller në 2014-ën.
Në ndeshjen finale Perisic ka përshkruar 10,1 kilometra duke qenë lojtari i tretë që ka vrapuar më shumë pas Marcelo Brozovic dhe Sime Vrsaljko. Ai ka qenë edhe lojtari që ka bërë më shumë sprinte se çdo lojtar tjetër, 357 të tilla. Më i afërti me të është Munier i Belgjikës që ka 70 sprinte më pak.
