Zv.ministri i Mbrojtjes, Petro Koço, ka reaguar ashpër referuar zhvillimeve të fundit politike, ku ish-liderë të UÇK-së, janë thirrur të dëshmojnë si të akuzuar për krime lufte nga Gjykata Speciale e Hagës.
Sipas tij, kjo është një përpjekje për të amnistuar spastrimin etnik, dhe për të justifikuar barbarinë çnjerëzore serbe në Kosovë.
Statusi
Kjo shfaqje e shemtuar ne Hage eshte pasoje e antishqiptarizmit dhe proserbizmit te Carla Del Pontes dhe Dick Martyt.
Si edhe e bashkepunetoreve te tyre!
Kjo eshte nje perpjekje per te amnistuar spastrimin etnik dhe per te justifikuar barbarine cnjerezore serbe ne Kosove!
UCK eshte nderi i Europes!
Milloshevici eshte turpi!
Dje ish-presidenti i Kosovës, Hashim Thaçi, doli para trupës gjykuese për t’u njohur me akt-akuzat e ngritura mbi të nga Prokuroria Speciale. Thaçi u shpreh se të gjitha akuzat e lexuara nga trupa gjykuese në Gjykatën Speciale të Hagës, nuk qëndrojnë dhe se ai i refuzon ato.
“I dëgjova, i kam lexuar dhe i hedh poshtë të gjitha”, deklaroi Thaçi, duke mos e zgjatur fjalën e tij. Pasi i mohoi akuzat që rëndojnë mbi të, nuk ka preferuar të flasë më shumë, duke ia lënë vendin avokatit të tij mbrojtës. “Gjithçka që do të theksoja po ia lë avokatit”, nënvizoi Thaçi.
Thaçi me Krasniqin dolën para gjykatës për t’u njohur me akuzat. Krasniqi i ka dhënë një shuplakë të fortë prokurorit, i cili e ka cilësuar UÇK si organizatë kriminale. Sipas tij, organizatë kriminale është Serbia dhe se UÇK ka luftuar me dinjitet.
