Prokuroria greke do ngrejë 4 akuza ndaj kapitenit të Manchester United, Harry Maguire, i cili u përlesh me një grup shqiptarësh të enjten e kaluar, në ishullin e Mykonos. 27-vjeçari akuzohet për “sulm fizik”, “abuzim verbal”, “goditje ndaj policisë” dhe “dhënie rryshfeti”.
Bashkë me të do të gjykohen dhe vëllai i tij Joe me shtetasin anglez Chris Sharman. Edhe nëse Maguire nuk shpallet fajtor, ai rrezikon të gjobitet për shkeljet e kryera.
Kujtojmë këtu se ai u konfliktua me një grup të rinjsh shqiptarë, për shkak se motra e tij refuzoi të kërcente me njërin prej personave. Agresori (një biznesmen shqiptar) e ka goditur me thikë në krah dhe Meguire ka ndërhyrë, duke u kundërpërgjigjur.
Gjatë sherrit me shqiptarët në Mykonos, një prej policëve grekë që arrestuan futbollistin e Manchester United, Harry Maguire, mësohet t’i ketë thënë lojtarit që “të përfundoi karriera tani”, gjatë kohës që e godiste.
Avokati i Maguire tha në gjykatën greke se mbrojtësi anglez ishte sulmuar nga një grup shqiptarësh.
