Nuk janë të pakta rastet kur femrat kanë bërë sherre në publik që kanë degjeneruar në dhunë fizike dhe përdorimin e armëve të ftohta. Kështu ka ndodhur edhe 3 ditë më parë kur një 25-vjeçare shqiptare ka plagosur në dorë me thikë një 34-vjeçare.
Ngjarja ka ndodhur në Volos të Greqisë, në një palestër ku po stërviteshin shumë persona të cilët kanë qenë dëshmitarë.
34-vjeçarja ishte dërguar në spital ndërsa 25-vjeçarja ishte arrestuar për plagosje. Sipas dëshmisë së tyre, ato njiheshin, kishin shkëmbyer mesazhe në Facebook dhe arsyeja e sherrit ishte një burrë.
Sipas shtypit grek, 34-vjeçarja ishte e martuar dhe ka fëmijë, por ende nuk është bërë e ditur nëse ka qenë bashkëshorti i saj arsyeja pse shqiptaret janë zënë apo një burrë tjetër.
