Një konflikt për pronën mes kushërinjve, ka përfunduar me një bilanc tragjik në Lushnje. Policia njofton se ngjarja e rëndë ka ndodhur herët në mëngjes, ku sherri ka nisur mes kushërinjve të parë.
Të njëjtat burime thonë se kanë mbetur të plagosur me armë gjahu shtetasit Shaip Hasalla 65-vjeç,(babai) Laert Hasalla dhe Emiljano Hasalla, 31 vjeç (vëllezër) si edhe ka ndërruar jetë shtetasi Romeo Hasalla 30-vjeç (vëllai tjetër).
Autorët e vrasjes dhe plagosjes së trefishtë me armë gjahu janë vëllezërit Kastriot dhe Afrim Hasalla, të dy 33-vjeç. Menjëherë pas ngjarjes ata janë arratisur, ndërsa policia po punon për kapjen e tyre.
Njoftimi
Lushnje
Informacion paraprak
Sot rreth orës 06:30, në fshatin Garunjas, njësia administrative Bllagat, Lushnje, si pasojë e një konflikti për motive pronësie mes kushërinjve të parë, kanë mbetur të plagosur me armë gjahu shtetasit Sh. H., 65 vjeç,(babai) L. H dhe E. H, 31 vjeç(vëllezër) si edhe ka ndërruar jetë shtetasi R. H, 30 vjeç(vëllai tjetër).
Menjëherë në vendngjarje kanë shkuar forcat e Policisë dhe kanë shpallur në kërkim autorët e dyshuar, shtetasit A. H dhe K. H., 33 vjeç(vëllezër), ku vijon puna intensive për kapjen e tyre.
Grupi hetimor nën drejtimin e Prokurorisë po punon për zbardhjen e rrethanave të ngjarjes dhe dokumentimin e plotë të saj.
