Një 18-vjeçar ka mbetur i plagosur pas një sherri me motive të dobëta. Ngjarja ka ndodhur në një lokal në Vlorë. Autori është po ashtu një 18-vjeçar, ndërsa ndërhyrja e policisë ka parandaluar përshkallëzimin e konfliktit.
Sherri ka ndodhur mëngjesin e sotëm në lagjen “Kushtrimi”.
“Nga ky konflikt ka mbetur i dëmtuar, dyshohet me mjet prerës “thikë” shtetasi I.S, 18 vjeç, banues në Vlorë, i cili ndodhet në Spitalin Rajonal Vlorë jashtë rrezikut për jetën”, njofton policia.
Njoftimi i plotë
Policia identifikoi, kapi dhe arrestoi autorin e dyshuar të plagosjes me thikë të një 18 vjeçari.
Më datë 12.10.2018, në orën 08:33, në lagjen “Kushtrimi” Vlorë pranë një lokali ka ndodhur një konflikt verbal duke përfunduar në konflikt fizik.
Nga ky konflikt ka mbetur i dëmtuar, dyshohet me mjet prerës “thikë” shtetasi I.S, 18 vjeç, banues në Vlorë, i cili ndodhet në Spitalin Rajonal Vlorë jashtë rrezikut për jetën.
Shërbimet e policisë pas hetimeve të menjëhershme kanë bërë të mundur identifikimin, kapjen e autorit si dhe shoqërimin e tij në ambientet e Policisë Vlorë.
Po kryhen veprimet proçeduriale për arrestimin e shtetasit Xh.A, 18 vjeç, banues në Vlorë.
Dyshohet se konflikti ka ndodhur për motive të dobëta midis disa të rinjve.
Po punohet për zbardhjen e ngjarjes dhe për sqarimin e rrethanave.
