Kur na ndajnë dhe pak minuta nga derbi i kryeqytetit mes Tiranës dhe Partizanit, tifozët e klubit të kuq kanë marshuar në rrugët e kryeqytetit në drejtim të stadiumit. Gjatë gjithë kohës kanë qenë të shoqëruar nga forca të shumta policie të cilat garantonin sigurinë e tyre.
Ata kanë bërë thirrje thumbuese ndaj rivalëve dhe në një moment ka pasur edhe përplasje fizike me ata bardheblu, të cilët kanë qenë rreth 20 persona. Kjo përplasje ka ndodhur pikërisht në vendin ku u sulmua para 3 vitesh autobusi i Partizanit. U desh ndërhyrja e policisë që situata të normalizohej.
Tifozët e Partizanit kanë mbërritur në stadiumin “Selman Stërmasi” dhe ka nisur futja e tyre në tribunën përkatëse.
