Konflikti për pronën, është kthyer në një kërcënim për familjet shqiptare. Një i tillë është regjistrua mëngjesin e sotme në Bulqizë.
Hiqmet Tola, 43 vjeç, banues në Ostren i Madh në Bulqizë ka goditur me thikë vëllain e tij 52 vjeç, si dhe djalin e këtij të fundit.
Konflikti ka ndodhur në banesën e 43-vjeçarit, ku si pasojë e përplasjes fizike mes vëllezërve ka mbetur e plagosur lehtë nëna e tyre dhe bashkëshortja e Hiqmet Tolës.
Policia ndërhyri duke parandaluar përshkallëzimin e mëtejshëm të konfliktit, ndërsa të plagosurit u dërguan në spital për të marrë ndihmë mjekësore.
“Hiqmet Tola ka goditur me mjete prerëse shtetasit F.T, 52 vjeç, (vëllai) dhe A.T, 25 vjeç, (djali i shtetasit F.T), të cilët po marrin ndihmë mjekësore në spitalin e Peshkopisë. Gjatë këtij konflikti kanë marrë dëmtime të lehta edhe shtetaset S.T. dhe A.T, ( nëna dhe gruaja e shtetasit H.T), të cilat kanë marrë ndihmë mjekësore nga mjeku në banesën e tyre”, thuhet në njoftimin e policisë.
Shtetasi H.Tola është kapur nga policia, i cili pasi ka marrë ndihmë mjekësore në spitalin e Peshkopisë, është shoqëruar në komisariat”, bëhet e ditur nga Policia, duke shtuar se ka nisur puna për zbardhjen e rrethanave të konfliktit.
Njoftimi i plot i policisë
Policia e Bulqizës ndërhyn dhe parandalon një konflikt në familje
Me datë 13.05 2018, rreth orës 17.00, është marrë njoftim se në fshatin Ostren i Madh, Bulqizë, po ndodhte një konflikt në familje, deri në përdorimin e mjeteve prerëse.
Menjëherë shërbimet e policisë kanë shkuar në vendin e ngjarjes, ku falë ndërhyrjes së tyre kanë parandaluar përshkallzimin e mëtejshëm të konfliktit.
Shtetasi Hiqmet Tola, 43 vjeç, banues në Ostren i Madh, ka goditur me mjete prerëse shtetasit F.T, 52 vjeç, (vëllai), dhe A.T, 25 vjeç, ( djali i shtetasit F.T), të cilët po marrin ndihmë mjekësore në spitalin e Peshkopisë.
Gjatë këtij konflikti kanë marrë dëmtime të lehta edhe shtetaset S.T, dhe A.T, ( nëna dhe gruaja e shtetasit H.T), të cilat kanë marrë ndihmë mjekësore nga mjeku në banesën e tyre.
Konflikti dyshohet se ka ndodhur për motive pronësie.
Shtetasi H.Tola, është kapur nga policia, i cili pasi ka marrë ndihmë mjekësore në spitalin e Peshkopisë, është shoqëruar në ambientet e policisë ku po kryhen procedurat për arrestimin e tij, si i dyshuar për kryerjen e veprës penale “Plagosje e rëndë me dashje”.
Vijojnë hetimet për zbardhjen dhe dokumentin e plotë të ngjarjes.
