Pesë shqiptarë të prangosur, ndër to dy të plagosur është bilanci i një sherri ndodhur në Itali, mes dy grupeve rivale. Dy prej shqiptarëve kanë kërkuar ndihmë mjekësore, ndërsa të tjerët nuk janë lënduar.
Shkaqet e sherrit ende nuk dihen, ndërsa shqiptarët, identiteti i të cilëve ende nuk dihet, akuzohen për dhunë dhe rezistencë ndaj autoriteteve. Mediat italiane bëjnë me dije se mbrëmjen e kaluar, në sheshin ‘Piazzano di Atessa’ në Lanciano, dy grupe po përlesheshin me njëri-tjetrin me shkopinj bejsbolli.
Ndonëse policia ndërhyri për të shuar sherrin, shqiptarët bënë rezistencë. Aktualisht shqiptarët janë në paraburgim, ndërsa po hetohet për zbardhjen e rrethanave të sherrit.
