Deputeti Adriatik Alimadhi dhe mjeku Roland Xhaxho, janë shëruar nga koronavirusi. Lajmi përcillet nga burime jo zyrtare, ndërsa bëjnë me dije se të dy vijojnë që të qëndrojnë tek Infektivi. Ata do të mbahen në ambientet spitalore, për të vijuar trajtimin për patologji të tjera.
Në fund të muajit mars, deputeti zbuloi vetë me anë të një postimi në rrjetet sociale se ishte infektuar me COVID-19.
Ai akuzoi qeverinë, duke iu drejtuar kryeministrit Edi Rama, se struktura shëndetësore nuk funksionon, dhe asnjë prej familjarëve të tij që ka pasur kontakt, nuk iu është kryer testi.
Ndër të tjera, Alimadhi thotë se përgjigjja që marrin nga mjekët është se në rast se kanë temperaturë, duhet të pinë paracetamol.
E ndërsa në rastin e mjekut të njohur Roland Xhaxho, lajmin e përcolli Ministria e Shëndetësisë. Mjeku i njohur u bë pjesë e ekipit të organizimit të shërbimit reanimator, për situatën COVID-19.
