Pas 16 orë kërkimesh intensive, janë gjetur trupat e pajetë të babë e bir të cilët i mori rrjedha e përrroit. Pjetër Rushaj së bashku me djalin e tij, u gjetën të pajetë mëngjesin e kësaj të hënë.
Ata janë viktimat e para nga moti i keq që ka përfshirë territorin e vendit. Një ditë më parë shpëtoi vajza, e cila arriti të dilte nga makina dhe u ndihmua nga një banor i zonës, ndërsa aktualisht është jashtë rrezikut për jetën. Të tre po udhëtonin me makinën që drejtohej nga babai Pjetër Rushaj, por i mora rrjedha e ujit në Bogë.
Malësi e Madhe, Shkodër/Informacion shtesë
Në vijim të informacion të dhënë mesditën e djeshme se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, djali dhe vajza), ju bëjmë me dije se:
Pas 16 orë kërkimesh intensive, gjatë pasdites së djeshme, gjatë natës dhe gjatë mëngjesit të sotëm, nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, në gjatësinë e përroit, në Bogë, u bë e mundur gjetja e dy trupave (babë e bir).
