Sebastian Smakaj, 29-vjeç, kampion i Taekwondo-s në Shkodër është në kërkim, e ndërsa i vëllai i tij është vënë në pranga. Stjuart Smakaj është arrestuar, pasi akuzohen për vrasjen e shokut të ngushtë, ish-futbollistit të Vllaznisë Gledis Kraja, mbrëmjen e djeshme. Burime nga policia e Shkodrës thanë pak më herët se Gledis Kraja është vrarë aksidentalisht.
Sebastian Smakaj dhe vëllai i tij, Stjuart Smakaj, kanë qëlluar me armë drejt pronarit të një mobilerie, me të cilin ka bërë sherr, por aksidentalisht një plumb ka kapur 23 vjeçarin i cili ka ndërruar jetë në spital.
Autori kishte porositur mobilie për shtëpinë, por kur porosia i erdhi poshtë pallatit, Smajku debatoi me shoferin e kamionit, pasi kishte bllokuar rrugën. Në lagjen e tyre të quajtur Qafëhardhi, ka shkuar dhe pronari i mobilerisë me të cilin kanë filluar debatin derisa ka degraduar në përdorimin e armës.
Njoftimi
Arrestohet autori i vrasjes së 23-vjeçarit Gledis Kraja në Shkodër. Burime zyrtare bënë me dije se falë reagimit në kohë të strukturave të DVP Shkodër, rrethimit të zonës, kontrolleve të shumta të ushtruara në bashkëpunim me FNSH dhe presionit te ushtruar nga forcat e policise duke mbajtur ne rrethim zonen ku fshihej autori u be e mundur venia ne pranga e autorit te ngjarjes se mbremshme ku mbeti i plagosur me arme zjarri dhe me pas humbi jeten 23 vjeari G.K.
Vihet ne pranga Stjuart Smakaj. Sekuestrohet edhe arma e zjarrit e modifikuar. Ne vendngjarje policia ka sekuestruar 18 gezhoja te qitura nga kjo arme zjarri.
